पोलिसनामा: पत्रकारिता पुरस्कार

मंगळवार, ४ मे, २०१०

पत्रकारिता पुरस्कार

महाराष्ट्र शासनाचा तंटामुक्त गाव मोहिमेतील पत्रकारिता पुरस्कार मिळाल्याबद्दल विजयसिंह होलम यांचा सत्कार करताना नगरचे पालकमंत्री बबनराव पाचपुते. समवेत जिल्हाधिकारी डा. पी. अन्बलगन व इतर अधिकारी. नाशिक विभागातील प्रथम क्रमांकाचा १ लाख रुपयांचा हा पुरस्कार आहे.

1 टिप्पणी:

DINESH NISANG म्हणाले...: Congratulations !!; ७ मे, २०१० रोजी १०:५२ AM

टिप्पणी पोस्ट करा

याची सदस्यत्व घ्या: टिप्पणी पोस्ट करा (Atom)

प्रस्तावना

पोलिस आणि गुन्हेगारी क्षेत्रांशी संबंधित बातम्या प्रसारमाध्यमांद्वारे दररोज आपल्यापर्यंत पोचतात. अलिकडच्या काळात अशा बातम्यांचीच संख्या अधिक असते. मात्र, या बातम्यांच्याही पलिकडे या क्षेत्रात बरेच काही घडत असते. त्यावर भाष्य करण्याचा या ब्लॉगचा हेतू आहे. घटना टाळण्यासाठी काय करता येईल, लोकांची अनास्था, प्रशासनाची हतबलता, बदलते नियम, कायदे यासंबंधी काही भाष्य करावे, हाही एक उद्देश आहे. एकूण या क्षेत्राबद्दल लोकांना उपयुक्त माहिती देण्याचा हा प्रयत्न आहे.

लेखकाबद्दल

विजयसिंह होलम,
सध्या महाराष्ट्र टाइम्सच्या अहमदनगर आवृत्तीमध्ये कार्यरत. यापूर्वी लोकमत व सकाळ या वृत्तपत्रांत काम केले. क्राईम हा लेखनाचा आणि अभ्यासाचा विषय. या विषयावर वृत्तपत्रांतून लेखन केले.

पत्रकारिता पुरस्कार

दुसरयार्षीही पुरस्कार...

सावध रे...!

सध्याचे धकाधकीचे जीवन, ताणतणाव आणि बदलत्या जीवनशैलीमुळे लोक अनेकदा बेसावधपणे वागतात. अनेकदा त्यांच्या हातून नकळत काही चुका होतात. त्याचाच फायदा गुन्हेगार उठवीत असतात. गुन्हा घडल्यावर पोलिसांत तक्रार करून उपयोग होतोच असे नाही. त्यामुळे आपणच थोडीशी सावधगिरी बाळगली, तर फसले जाण्याचे प्रकार टाळता येऊ शकतात. त्यासाठी या काही "टिप्स'.

घराबाहेर पडताना...

- घराचे कुलूप दणकट असल्याची खात्री करावी.

- जास्त काळ बाहेर जायचे असल्यास शेजाऱ्यांना व जवळच्या पोलिस ठाण्यात त्याची माहिती द्यावी.

- बाहेरगावी कोठे जाणार, तेथील संपर्काचा क्रमांक द्यावा.

- दागिने अगर इतर मौल्यवान वस्तू बॅंकेच्या लॉकरमध्ये ठेवाव्यात.

- रात्री घरातील एखादा तरी दिवा सुरू राहील अशी व्यवस्था असावी.

प्रवास करताना....

- बसमध्ये बॅगा व्यवस्थित "लॉक' करून ठेवाव्यात.

- मौल्यवान वस्तू असलेल्या बॅगा शक्‍यतो जवळच ठेवाव्यात.

- अनोळखी व्यक्तींनी दिलेले खाद्यपदार्थ स्वीकारू नयेत.

- जादा सलगी करू पाहणाऱ्या सहप्रवाशापासून सावध राहावे.

- गर्दीत बसमध्ये चढताना आणि उतरताना खिसेकापूपांसून सावध.

- अपरिचित भागातून रात्रीचा प्रवास टाळावा.

- अनोळखी व्यक्तींना "लिफ्ट' देऊ नये.

सदासर्वदा सावधान...

- बॅंकेतून मोठी रक्कम काढताना विश्‍वासू व्यक्तीस बरोबर घेऊन जावे.

- रोख रक्कम वाहनाच्या डिकीत ठेवू नये.

- पैसे काढल्यावर बॅंकेच्या आसपास कोठेही न थांबता सरळ निघून यावे.

- रस्त्यात पडलेली चिल्लर उचलण्याचा मोह टाळावा.
- आपल्या हातातील ऐवज कोणाही परक्‍या व्यक्तीच्या हाती देऊ नये.

- महिलांनी घराबाहेर पडताना दागिन्यांची काळजी घ्यावी.

- बॅंका, पतसंस्था, पेट्रोल पंप, व्यापारी पेढ्या यांनी सुरक्षिततेची काळजी घ्यावी.

- नोकर ठेवताना त्याची संपूर्ण चौकशी करावी.

- अडचणीच्या प्रसंगी तत्काळ पोलिसांशी संपर्क साधून त्यांना घटनेचा नेमका तपशील व चोरट्यांचे वर्णन सांगावे.

किमान दक्षता

- गुन्ह्याला सामोरे जावे लागल्यास तातडीने पोलिसांशी संपर्क साधावा.

- चोरट्याचे वर्णन, भाषाशैली, लकब आदी तपशील लक्षात ठेवावा.

- अनोळखी व्यक्तीशी बोलताना त्याचे वर्णन लक्षात ठेवण्याचा प्रयत्न करावा.

- रस्त्यात कोणी विनाकारण थांबवत असेल तर, थांबणे टाळावे.

- अंगावर घाण टाकूण किंवा पैसे पडल्याचे सांगून कोणी लक्ष विचलित करीत असेल तर, जवळचा ऐवज पहिल्यांदा सांभाळा.

- अंगावरील दागिन्यांचे प्रदर्शन टाळावे.

- विनाकारण कोणी ओळख काढून संपर्क साधण्याचा प्रयत्न करीत असेल, तर त्या व्यक्तीला दूर ठेवा.