शूर वीरांना पोलिसनामाचा सलाम!

मुंबईवर झालेल्या दहशतवादी हल्ल्यास चोख प्रत्युत्तर देणाऱ्या पोलिसांनी आपले कर्तव्य बजावताना कुठलीही कसूर ठेवली नाही. दहशतवादी बेछूट गोळीबार करीत असतानासुद्धा पोलिस अधिकाऱ्यांनी धाडसाने परिस्थितीचा सामना केला. दहशतवादविरोधी पथकाचे प्रमुख हेमंत करकरे, अतिरिक्त पोलिस आयुक्त अशोक कामटे आणि धाडसी पोलिस अधिकारी विजय साळसकर यांच्यासह दहशतवाद्यांच्या हल्ल्यात शहीद झालेले पोलिस अधिकारी व कर्मचाऱ्यांनी देशासाठी आपले प्राण अर्पण केले. त्यांचे बलिदान महाराष्ट्र कधीही विसरणार नाही. त्या वीरांना पोलिसनामाचा सलाम!